Libafazi bedube inyama kokaMeyiwa

Durban - Izulu libafazi bedube inyama eThekwini, nokho abalandeli be-Orlando Pirates nabathandi bebhola jikelele, baphume ngobuningi babo ukuzophelezela isithandwa sezwe uSenzo Meyiwa, osishiye ngokuzuma.

Abalandeli bagcwele inkundla iMoses Mabhida, la kuqhubeka khona inkonzo yomngwabo.

Abantu abahambele inkonzo baphethe izingqwembe ezinesithombe sikaMeyiwa, kanjalo nemilayezo yokumvalelisa.

Funda nalolu daba: Ubani obulale uSenzo Meyiwa - Kubuza uhulumeni

Ezinye zezingqwembe ezigqamile kube yilolo olubhalwe ukuthi akubuyiswe loyo owabe enguKhomishana wamaPhoyisa uBheki Cele, nolluthi: "Ngiyamthanda uSenzo".

Inkonzo bekubikwe ukuthi izoqala ngo-10:00 emini, nokho kunokubambezeleka okuncane, kuzwakala kuphela umsindo wamavuvuzela.

UMeyiwa wadutshulwa wabulawa ngeSonto ebusuku, eseVosloorus.

NgoLwesihlanu, loyo okhulumela amaphoyisa aseGauteng, uBrigadier Neville Malila uqinisekise ukuboshwa kosolwa ngokubulala Meyiwa, wathi indoda eneminyaka engu-25 ubudala, uZenokuhle Mbatha, waseVosloorus.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).