Johannesburg - Ligwetshwe iminyaka emihlanu libhadla ejele iphoyisa laseHammaskraal elilahlwe yicala lokudayisa ugesi wekhadi kumakhasimende akwa-Eskom eBatlokwa eLimpopo ngokusho kombiko.
Leli phoyisa ligwetshwe ngoLwesibili ngaleli cala, ngokusho kwabakwa-Eskom.
"Usello Fanie Madikologa ulahlwe yicala lokudayisa lo gesi ngokungemthetho, ukweba ugesi nokukhwabanisa okwenze u-Eskom walahlekelwa yinzuzo,"kusho isitatimende esikhishwe ngabakwa-Eskom.
"Ugwestshwe iminyaka emihlanu ebhadla ezikhindini noma ahlawule ngo-R30 000 bese echitha iminyaka emibili nengxenye bese elingiselwa emihlanu."
OLUNYE UDABA: Ushonile osokwe esikoleni esingekho emthethweni
Abanye abane asolwa nabo bamjikela baba ngofakazi bombuso ngenhloso yokuthi bangashushiswa.
Isikhulu esiphezulu sakwa-Eskom uMaboe Maphaka sithe u-Eskom wenza konke okusemandleni ukulwisana nenkohlakalo kagesi ezindaweni ezahlukene ngaphansi kohlelo i-Operation Khanyisa.
"Lo mkhankaso uqinise ukulwisana nalabo abantshontsha ugesi noma abakhwabanisayo ngokudayisa izinombolo ezingombombayi ikakhulukazi esifundazweni saseLimpopo,"kusho uMaphaka.
Le nkampani ephehla ugesi ithe njalo ngonyaka ilahlekelwa yimali elinganiselwa ku-R4.7 billion ngokwebiwa kukagesi.
- “Like”
ikhasi lethu kuFacebook ukuze uthole izindaba ngolimi lwakho