Pretoria – Uvele eNkantolo eNkulu yasePitoli owesilisa osolwa ngokubulala izingane zakhe ezintathu endaweni yaseDiepsloot eGoli.
Ngokombiko lo mlisa uvele kule nkantolo ngoMsombuluko ngaphambi kokuthi iJaji uNico Coetzee lilihlehlisele uLwesithathu leli icala njengoba bekulindeleke ukuba liqale ukuqulwa.
UCoetzee uthe ukuqulwa kwecala kulindeleke ukuba kuthathe izinsuku ezinhlanu noma eziyisithupha.
OLUNYE UDABA: Lihlehlile elephoyisa elabulala umfana
UThokozani Radebe ubhekene necala lokubulala ingane eneminyaka emihlanu ubudala u-Anelisa Mkondo ngoSepthemba ngonyaka odlule nabashana bakhe ababili uYonelisa noZandile Mali abaneminyaka embili nemthathu ubudala.
Lezi zingane zatholwa endlini encane zishonile eDiepsloot EXT1 ngomhlaka 15 Okthoba ngonyaka odlule.
URadebe uphinde asolwe ngokuzidlwengula nokuzithumba lezi zingane zamantombazane.
- “Like” ikhasi lethu kuFacebook ukuze uthole izindaba ngolimi lwakho