Johannesburg - Umfundi wasenyuvesi osolwa ngamacala amane okubulala, ukudlwenula nokushaya e-University of Venda namaphethelo, uvele ngaphambi kweNkantolo yeMantshi eThohoyandou ngoLwesibili, kusho amaphoyisa aseLimpopo.
UGodfrey Ntsieni, 24, usolwa ngokubulala abesifazane ababili nezingane
ezimbili, ezineminyaka engu-8 nengu-9 ubudala, ezehlakalweni ezahlukene.
Funda nalolu daba: Kulimale abahlanu kushayisana amaloli KwaDukuza.
Icala lihlehliselwe uDisemba 10 ukuze kuphothulwe ukuqoqwa kobufakazi,
kusho uBrigadier Hangwani Mulaudzi.UNtsieni uthweswe amacala angu-16, amane okubulala, elilodwa lokuzama ukubulala,
amahlanu okudlwenula, amathathu okushaya ngenhloso yokulimaza kanye namanye
amathathu okuthumba.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.