Durban – Lihlehlisiwe icala lenkohlakalo lephoyisa lomgwaqo elafuna imali kushayeli welolu eMelmoth Weighbridge enyakanto yeKwaZulu Natal ngokusho kombiko.
Amaphoyisa esifundazwe akhiphe isitatimende esithi iloli labe lithathwe amaphoyisa omgwaqo ngemuva kokutholakala lingekho esimweni sokuba semgwaqweni.
Kwatholakala ukuthi amabhuleki aleli loli awasebenzi kahle ngemuva kokuhlolwa amaphoyisa omgwaqo.
“Iloli lathathwa layogcinwa endawe yomnyango wezokuthutha ngemuva kwalokho leli phoyisa lafuna imali engango-R2 500 kuze likwazi ukudedela leli loli,” kushookhulumela amaphoyida uThulani Zwane.
OLUNYE UDABA: Indle nomhlanzo emahhovisi ephephandaba laseKZN
“Umshayeli weloli waxhumana nobasi wakhe wamazisa ngokushiwo yileli phoyisa ukuze kudedelwe iloli.
Ngemuva kwalokhu kwabe sekungenelelea uphiko loklebe olulwa nenkohlakalo.”
UZwane uthe ngemuva kophenyo olunzulu leli phoyisa lagcina liboshiwe.
Uvele eNkantolo yeMantshi yaseMelmoth icala labe selihlehliselwa umholaka 13 kuJulayi ukuze leli phoyisa elineminyaka engu-33 ubudala likwazi ukufaka isicelo sebheyili.
Uphenyo lwamaphoyisa luyaqhubeka njengoba kusalindeleke ukuthi kuboshwe namanye amaphoyisa aqhuba umkhuba ofanayo.
- “Like” ikhasi lethu kuFacebook ukuze uthole izindaba ngolimi lwakho