Cape Town – Uthisha owayesangumfundi kwale kancane ukuba abhadle ejele ngokushaya ingane yomfana eneminyaka emihlanu ubudala ngenduku ye-brush lokupenda.
Kukholakala ukuthi uthisha wakhumula ingane ibhulukwe ngaphambi kokuba ayishaye ngenduku.
Isehlakalo senzeka phambi kwezinye izingane, okuthiwa lo thisha wazitshela ukuthi zingalinge zitshele abazali bazo.
Funda nalolu daba: Uvelile enkantolo osolwa ngokuba umalugaju weKZN
Lo thisha oneminyaka engu-20 ubudala, elingeke lidalulwe igama lakhe, ulivumile icala lokushaya eNkantolo yeMantshi yaseBredasdorp ngoLwesithathu wabe esegwetshwa izinyanga ezintathu ebhadla ejele, kodwa walengiselwa isigwebo sakhe ngeminyaka emithathu.
Ummangalelwa ulivumile icala lakhe lokushaya ingane ngenduku ye-brush lokupenda.
Ummeli wakhe utshele inkantolo ukuthi umsolwa wayezama ukulamula isisulu nenye ingane ngesikhathi belwa enkulisa.
Imantshi kodwa ithe kujwayelekile ukuba izingane zilwe kodwa ukushaywa kwezingane akuvumelekile neze, kubika iDaily Voice.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.