Lingase lingaphinde liphume iqiniso ngo-Anni Dewani

Cape Town – Kungenzeka ligcine lingaphumanga iqiniso eliphelele ekutheni ngubani owadubula wabulala u-Anni Dewani, njengoba sekudlule emhlabeni uXolile Mngeni, ekunguye owagwetshelwa ukudubula abulale, kusho abezindaba zeSunday Times.

Kuze kwaba sekugcineni uMngeni ephika ukuthi nguye owadubula wabulala umshadikazi uDewani, yize agwetshwa udilikajele ngaleli cala.

Umyeni kaDewani uShrien Dewani kumanje uhamba inkantolo njengoba uMbuso ukholwa wukuthi nguye owaba ngungqondongqondo ekubulaweni kukankosikazi wakhe.

Funda nalolu daba: UMnyango uphawula ngokushona kukaMngeni

U-Anni wabulawa ngenyanga kaNovemba, ngo-2010, ngesikhathi eseholidini nomnyeni wakhe eKapa.

Omunye olahlwe yileli cala uMziwamadoda Qwabe, odonsa iminyaka engu-25.

UMngeni shonele esibhedlela sasejele ngoMgqibelo ntambama.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).