Johannesburg – Ufakazi woMbuso uBhekizitha Khumalo uqhubekile nokwethula ubufakazi ngoLwesithathu ecaleni elibhekene noRodovan Krejcir eNkantolo eNkulu yaseGoli ehleli ePalm Ridge.
U-Annelene van den Heever, omele uKrejcir, uqhubekile nokupheka ngemibuzo uKhumalo ngobudlelwane bakhe noDoctor, okungumlisa okuthi wanyamalala nezidakamizwa.
UDoctor kuthiwa wanyamalala nezigakamizwa ze-tik (methamphetamine) zesisindo sika-25kg okwakumele aziyise e-Australia.
Ukuthethwa kwecala kuqale emini.
ngoLwesithathu, uVan den Heever ubuze uKhumalo ngokwenzeka ngoJuni wangonyaka odlule, ngesikhathi beyolanda isikhwama.
Ngesikhathi uKhumalo ephendula ubelokhu ejeqeza kancane uKrecjir nalabo asolwa nabo, abebehleli bembuka.
Icala liyaqhubeka.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.