Ephendula omunye umuntu enkundleni yokuxhumana uTwitter, uMalema uthe usazochaza kahle ngalolu daba aveze ukuthi indaba yayisukephi.
Lokhu kuza ngemuva kokuthi i-AfriForum isabalalise ubufakazi be-CCTV obutshengisa uMalema eqophisana ngamazwi nowesilisa, uCassie Moller, wase emcaphuna ngezandla.
OLUNYE UDABA: Buka i-video uMalema exhakathisa omhlophe
UMoller uthi uMalema kumele ajeze ngalesi sigameko, kusho isikhulu se-AfriForum u-Ernst Roets ngoLwesine.
"UMoller uthi udinwe uyaqhuma ngokuthi ugcine ezizwela ngokwakhe ukuthi kunjani uma usopolitiki ehlukumeza amandla anawo,” kusho uRoets etshela izintatheli ePitoli.
Isigameko kuthiwa senzeka ngomhlaka-6 Agasti.
- “Like”
ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter