30 Oct 2014

'Nakhu okwenzeka kubulawa uSenzo Meyiwa'

Johannesburg - Abalisa ababili bangena endlini bafuna amaselula, imali kanye nezinye izinto, omunye wesithathu wayemi ngaphandle.

Abalisa ababili abangena endlini bafuna iselula kaKelly kodwa yena wanqaba ukubanikeza.

Ngemuva kwalokho kwaba nokuhilizisana phakathi kukaKelly nomunye wabalisa, kubika iSowetanlive.

USenzo wasukuma wazama ukungenelela...Nokuyilapho omunye wabalisa akhipha khona isibhamu wadubula uSenzo.

UMeyiwa wadutshulwa esifubeni edutshulwa umuntu owayeseduzane ngesikhathi yena nabangani bakhe besemzini wentombi yakhe uKelly Khumalo eVosloorus eKurhuleni.

Funda nalolu daba: Kudutshulwe kwabulawa usomatekisi eGoli.

Amaphoyisa athi abalisa bagcina bethathe iselula eyayikade iseshajini emzini kaKhumalo.

UMeyiwa washona esanda kufika nje esibhedlela.

Okwamanje abukho ubufakazi obukhomba ukuthi yizinkabi ezadubula uMeyiwa.

Abaseshi bachitha isikhathi esingaphezulu kwehora bepheka ngemibuzo unkozikazi kaMeyiwa angasahlali naye, uMandisa Mkhize, esiteshini samaphoyisa eVosloorus.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()