UMohlomi usho kanjena ethula ubufakazi ngaphambi kwePhalamende, mayelana nesehlakalo esenzeka ngesikhathi uSomlomo uBaleka Mbete esola i-EFF ngokuphazamisa ukuqhubeka kwePhalamende.
"Ngakhuluma noMalema ngolimi lweSepedi, ngamtshela ukuthi usekhulumile uSomlomo, waphendula ngokuthi angeke baye ndawp," kusho ubufakazi bukaMohlomi, othi wabe eseqhubeka encenga uMalema.
"Ngakhuluma ngathi Mnumzane uMalema, umsebenzi wami uvele unzima, ngiyacela ungawenzi ube nzima ngokwedlulele kokuvele uyikho," kuqhubeka ubufakazi.
Ngemuva kokuthi uMalema namalungu eqembu lakhe sebephumile, uMohlomi wahamba wayokhuluma nenhloko yezokuPhepha ePhalamende.
Funda nalolu daba: Luyaqhubeka elokuziphatha kwe-EFF ePhalamende
Ubufakazi lobu bumayelana nendlela i-EFF eyaziphatha ngayo ngesikhathi kuqhubeka iPhalamende, uMengameli uJacob Zuma ephendula imibuzo ngodaba olumayelana nokulungiswa komuzi wakhe oseNkandla.
Kubhekeke kube nabanye ofakazi abahlanganisa noNgqongqoshe wezokuXhumana uSiyabonga Cwele, uNgqongqoshe wezokuPhepha uDavid Mahlobo, iPhini likaSotswebhu we-African National Congress uDoris Dlakude kanjalo noSotswebhu weDemocratic Alliance uJohn Steenhuisen.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.