Obeboshiwe ubulale amaphoyisa amabili

Johannesburg - Kushone amaphoyisa amabili adutshulwe yisiboshwa esiteshini samaphoyisa esisenkabeni yeGoli, esigamekweni esidonse amahora amahlanu.

Kubizwe ithimba lamaphoyisa ngesikhathi izingxoxo nesiboshwa zingatheli zithelo, kubika i-SABC.

Lesi sigameko siqale ngo-23:00 ngoLwesihlanu, ngesikhathi kuboshwa indoda ngokutholakala nensangu.

OLUNYE UDABA: Kubulawe amaphoyisa amabili e-E Cape

Ekuqaleni amaphoyisa abecabanga ukuthi umsolwa uphuce iphoyisa isibhamu, kepha manje akholelwa ukuthi le ndoda ayizange iseshwe ngesikhathi iboshwa.

Kuthiwa lesi siboshwa sibe sesihosha isibhamu sabulala iphoyisa lokuqala kwathi elesibili laphelela esibhedlela.

Kuqhutshwa uphenyo ngalesi sigameko.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter