UNdunakulu waKwaZulu-Natal uSenzo Mchunu, ukhulume waveza ukuthi kuzokwakhiwa isikhungo sokucija ikhono labafana abancane ebholeni lezinyawo, bese siqanjwa ngoSenzo Meyiwa.
UMeyiwa ofihlwayo namhlanje, ngoMgqibelo, wadutshulwa wabulawa ngeSonto ebusuku, eseVosloorus, kubo kwentombi yakhe uKelly Khumalo.
Ngemuva kokuzwakala kwezindaba zokushona kukaMeyiwa, uSihlalo we-Orlando Pirates u-Irvin Khoza, waveza ukuthi iqembu angeke lisaqhubeka nokusebenzisa inombolo yakhe, unombolo, 1, wathi uzohlonishwa yiqembu ngokuthi inombolo ingabe isasetshenziswa muntu.
Ngosuku lwesikhumbuzo esabanjelwa eStandard Bank Arena, eGoli, uMengameli weSafa uDanny Jordaan waveza ukuthi kuzobazwa isithombe esingumfanekiso kaMeyiwa, bese sibekwa ngaphambi kwezindlu zeSafa.
Funda nalolu daba: Kuzobazwa isithombe sikaSenzo Meyiwa - Safa
Inkonzo yomngcwabo kaMeyiwa ihanjelwe yizikhulu eziningi kuhulumeni nakwezemidlalo, abaculi nabo bonke abaseqenjini abelidlalela iNdod'eMnyama.
Umculi uRebecca Malope ucule ngosizi eshaya ingoma yakhe ethi Hamba kahle sihlobo sami sobuye sibonane, wavala nge Ngiyekeleni ngihsambe ngiye ekhaya ezulwini.
Abanye babadlali bebhoal abahambele umngcwabo.
Former teammates & opponents alike have joined together to remember Senzo Meyiwa. Thank you boys #MeyiwaFuneral pic.twitter.com/SgVG5VHTEf
— Orlando Pirates FC (@Orlando_Pirates) November 1, 2014
Inkonzo iyaqhubeka.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.