Benoni - Owesilisa osolwa ngobugebengu udutshulwe wabulawa ngesikhathi edubulana namaphoyisa emgwaqweni u-N12 eBenoni e-East Rand ngoLwesibili ekuseni, ngokusho kwamaphoyisa aseGauteng.
Okhulumela amaphoyisa uLieutanant Colonel Katlego Mogale uthe abanye ababili badutshulwe balimala, kwathi abanye abanye baboshwa.
Uthe amaphoyisa angaphansi kophiko lweFlying Squad alunywe indlebe ngeqembu lezigebengu ebelihamba kule ndawo njengoba belisezinhlelweni zokubamba inkunzi.
OLUNYE UDABA: Kugcine kusenele isisebenzi sikaMasipala weTheku
Ngesikhathi amaphoyisa ezama ukubamisa bavulele ngenhlamvu.
"Amaphoyisa aphindiselile adubula abulala oyedwa alimaza kanzima ababili abe esebopha abane ."
Abalimele baphuthunyiswe esibhedlela eTembi lapho beqashwe khona ngeso lokhozi ngabakwaSidlodlo.