Othisha bashiya imisebenzi befuna imali yempesheni

Johannesburg - Balinganiselwa ku-4 000 othisha abashiye imisebenzi yabo esifundazweni saseGauteng, esikhathini esiyiminyaka emihlanu.

Othisha benza lokhu ngenhloso yokuthola imali yabo yempesheni, kubhala abezindaba zeThe Star.

UNgqongqoshe woMnyango wezeMfundo uPanyaza Lesufi, udalule lokhu ephendula imibuzo ngaphambi kwesiShayamthetho.

Ilungu lesiShayamthetho eqenjini le-DA uKhume Ramulifho, uphonse ungqongqoshe imibuzo ngesimo soMnyango.

Funda nalolu daba: Inkombankombane ngomjolo wezingane nothisha

ULesufi uthi bangu-3 834 othisha abashiya phansi umsebenzi baphinde baqashwa kabusha.

Kuqubuke izinsolo ezithi izinyunyana zothisha zikanye nezikhulu zoMnyango, zigwazisa abantu zibagwazisela izikhundla zokuba ngothishanhloko ezikoleni.

Izinsolo zithi isikhundla sithengwa ngo-R30 000.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.