Owesifazane udlwengulwe kabili ngobusuku obubodwa

Johannesburg – Owesifazane udlwengulwe ngamadoda amathathu ezigamekweni ezimbili ezahlukene ngokusho kwamaphoyisa aseGauteng.

UWarrant Officer Kay Makhubela uthe owesilisa uthathe owesifazane oneminyaka engu-24 ubudala endaweni yokucima ukoma eMoletsane eSoweto ngeSonto wahamba naye waya esigangeni wafike wamdlwengula maqede wayomshiya egaraji lokuthela uphethiloli.

Uqhube wathi ngokuhamba kwesikhathi abalisa ababili bafike bafuna ukumsiza lona wesifazane bamathatha ngemoto bahamba naye baze bayofika eKlerksdorp eNorth West.

OLUNYE UDABA: Ugcwele ukwesaba othi udlwengulwe abesimame

Kubikwa ukuthi laba balisa ababili bafike nalona wesifazane eKlerksdorp nabo bafike bazitika ngaye bemdlwengula ngokushintshana.

Ngemuva kwalokhu kubikwa ukuthi bamthathe bambuyisela eSoweto bamshiya enxanxatheleni yezitolo eMaponya ngaphambi kokuthi bashaye bachithe.

UMakhubela uthe lona wesifazane uhambe waye emaphoyiseni wafike wavula icala ngoMsombuluko.

“Bekungakaboshwa muntu ngalesi sigameko kodwa amaphoyisa aseqale uphenyo,” esho.

       - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter