Cape Town - Usezinikele kwabomthetho owesifazane, 50, osolwa ngokugwaza abulale owesilisa ngemuva kokuqubuka kwengxabano kubangwa umatilasi wombhede.
Kusolakala ukuthi uNazeem Johnson, 30, ushaywe ngesitswebhu ebusweni ngaphambi kokuba agwaze yilo mngani womndeni.
Ngebhadi umufi akakwazanga ukufika esibhedlela ngoba imoto abehamba ngayo iphelelwe uphethiloli endleleni, kubika iDaily Voice.
Kukholakala ukuthi uNazeem nalowo osolwa ngokumbulala uMariam Davids, 50, bebelokhu bexabana kusukela ngoMgqibelo.
Izihlobo zithi uNazeem ubethukuthele ngenxa kamatilasi owathathwa emzini wakhe ngaphandle kwemvume yakhe.
“Ubelwela indawo yokulala kepha manje nguye futhi oselele umphumulela wafuthi," kusho u-anti wakhe uFarieda Majiet.
Kuthiwa uDavids wethule ngesitswebhu uNazeem emotweni abehleli kuyo ngemuva esikhenkeni wase embhokoda ngommese esifubeni.
UDavids zibe sezimkhalela waphinde wadedelwa ngebheyili ka-R1 000 ngoLwesibili.
Amaphoyisa ayaphenya.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter