Cape Town - AbakwaNational Sea Rescue Institute sebecele abantu abakhe ngasezindaweni ezigudla ulwandle ukuthi abaqaphele njengoba kuza impelasonto engeke ibe neze yinhle.
Abe-NSRI bathi impelasonto ezoqala, izokuba nomoya kanti ulwandle luzokuba namagagasi amakhulu angemahle, kubika i
Cape Times, abantu ekuthiwa abaqaphele kakhulu yilabo abaseWest Coast, Western Cape, Southern Cape kanjalo nasePlettenberg Bay.
AbakwaWeather SA baxwayisa abantu abahamba ngezikebhe, abadobi, ababhukudi abaqeqeshiwe kanjalo namalungu omphakathi.
Okhulumela abakwa-NSRI uCraig Lambinon uthe abantu abazosondela olwandle ngempelasonto kumele kube ngabantu abasiqonda ngokuphelele isimo sezulu, nokwenza kolwandle ngezikhathi ezithile.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
News24
