"Sekujutshwe ithimba elizokwenza uphenyo oluzulu ngokuthi yini umsuka walezi zingozi,” kusho okhulumela i-RTMC uThato Mosena.
Kushone abantu abayisishiyagalombili ngesikhathi umshayeli ephunyukwa yitekisi yase ingqmuka amalangabi kuPunda Maria Road, phakathi kweMakhado neThohoyandou.
Kwesinye isigameko, kushone abantu abayishumi ngesikhathi iloli ishayisana netekisi ku-R707 phakathi kwasePetrus Steyn naseLyndley, eFree State.
UMosena uthe zizoshaqwa izimoto ezingakulungele ukuba semgwaqeni.
Kube sekushona abantu abayisihlanu kwathi abanye abangu-12 balimala kabi ngoLwesihlanu ekuseni ngesikhathi kwehla ingozi yetekisi phakathi kweMuden neWeenen, ngaseGreytown, KwaZulu-Natal.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter