Senyukile isibalo samabhasi ashisiwe

Cape Town – Kuphinde kwashiswa elinye ibhasi lakwaGolden Arrow eMalibu Circle ngaphandle kwendawo yaseMfuleni.

Okhulumela le nkampani yamabhasi uBronwen Dyke iqulu labantu likhiphe ngodli umshayeli ngaphandle ebhasini.

“Ngezikhathi zabo-20:00 kusihlwa ngoMsombuluko iqulu labantu lihlasele ibhasi lethu lidonsa ngesidlozane umshayeli labe selokhela ibhasi ngomlilo,”  kusho uDyke.

Okhulumela amaphoyisa aseWestren Cape uCapt uFrederick van Wyk uthe azikho izigameko zodlame ezike zabikwa eNyanga ebusuku. 

Kuthiwa isimo sisathule eNyanga njengoba kungakabikwa zigameko ngoLwesibili.

NgoMsombuluko inkampani yamabhasi akwaGolden Arrow ibike ukuthi ayisikhombisa amabhasi ale nkampani ashisiwe ngenxa yodlame ebeliqhubeka endaweni yaseNyanga namaphethelo.

UNgqongqoshe wezokuThutha eWestern Cape neMeya yaseKapa bazigxekile lezi zigameko zodlame kule ndawo.   

   - “Like” ikhasi lethu kuFacebook ukuze uthole izindaba ngolimi lwakho

    - Landela IzindabaNews24 kuTwitter