Sesimi ku-9 isibalo sabashonile engozini

Johannesburg – Sesikhuphukile isibalo sabantu abashone engozini eseRockydrift eNelspruit saba ngu-9  njengoba sekuphinde kwashona abantu ababili, kusho aboMnyango wezokuPhepha womPhakathi waseMpumalanga ngoLwesihlanu.

“Abayisikhombisa bashonele khona lapho esigamekweni kwathi laba ababili abebelimale kanzima bashonele esibhedlela,” kusho uJoseph Mabuza esitatimendeni.

Abantu abayisishiyagalombili balimalile ngesikhathi kuphenduka itekisi emgwaqeni u-R40.

Okhulumela abosizo lokuqala i-ER24 uRussel Meiring uthe: "Itekisi itholakale iqingqikile esikhotheni."

Idlule yomibili imgwaqo osuka eWhite River nosuka eNelspruit yabe isishaya unqenqema lomgwaqo.

UMabuza uphinde wathi :"Abantu abangu-12 balimale kanzima ngesikhathi kushayisana izimoto ezine kuwona lowo mgwaqo ngoLwesine."

Ungqongqoshe woMnyango uVusi Shongwe uthe: "Le ngozi itshengise ukuthi abashayeli bebengayithobeli imithetho yemigwaqo."

 - Landela IzindabaNews24 kuTwitter