Johannesburg - Sesigcine ngokuphela isiteleka sezinyanga ezintathu sabasebenzi baseSA Post Office (Sapo), kusho umbiko okhishwe ngaphakathi ngoLwesithathu.
Isikhulu ekuhanjisweni kwempahla uJanras Kotsi, uthi ngoLwesibili kufinyelelwe esivumelwanweni, uthi abasebenzi bayabuyela emsebenzini.
"Ngemuva kokuthi abasebenzi bevume isivumelwano esibekwe etafuleni, simisiwe isiteleka," kusho isitatimende sikaKotsi.
"Sidlulisa ukubonga kuzona zonke izinhlaka ezithintekayo ekade zibambisene nathi ngalesi sikhathi."
Isiteleka siholele ekutheni kuphazamiseke ukuthuthwa kwempahla esifundazweni iGauteng.
"Sidlulisa okukhulu ukuxolisa kumakhasimende ethu aphazamisekile ngenxa yesiteleka. Senza konke ukuvimba isimo esifanayo ngokuzayo."
Inyunyana yabasebenzi iCommunication Workers Union ibifuna iSapo iqashe ngokuphelele abasebenzi abayitoho ekuthiwa sebesebenzele inkampani iminyaka eminingi.
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
