Johannesburg - Sitholakele isidumbu sikamama ominze ezama ukuhlenga indodana yake nezinye izingane emfuleni iBerg River, ePaarl, kusho amaphoyisa esifundazweni saseWestern Cape.
"Amaphoyisa angabatshuzi ahambele endaweni yesehlakalo, azama ukutakula isidumbu esigcine sitholakala ngezithuba zawo-18:00 ngeSonto,"nkusho okhulumela amaphoyisa uColonel Tembinkosi Kinana.
"Kuyaphenywa ngalesi sehlakalo."
Amaphoyisa abizwe emfuleni ngezithuba zawo-16:00 ntambama, ngeSonto.
"Izingane ezine eziseminyakeni yobudala ephakathi kuka-12 no-13, bezibhukuda emfuleni ngezikhathi zihlangana nobunzima," kuchaza uKikana.
Umama lona uminze ezama ukuhlenga izingane, ezigcine ziphepha zonke.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.