Johannesburg - Abahlali baseReiger Park, bawotha ubomvu bathi uMengameli wezwe uJacob Zuma, akasukumele indaba yobugebengu kungenjalo bazozibambela ngezandla, kusho umbiko wabezindaba zeThe Star.
Umphakathi uthukuthele uthelwa ngamanzi ngemuva kwesehlakalo sokushona kukaTaegrin Morris, 4, ohudulwe ngemoto ngesikhathi kudunwa umndeni wakhe.
Lo mphakathi uthi uzimisele ngokubulala abathintekayo kulesi sigameko.
Umphakathi ubambe umbhikisho ngoMsombuluko, uthi ukhathele ubugebengu obuqhubeka kule ndawo yaseKurhuleni.
Ngenyanga kaMeyi nyakenye, uMengameli uZuma wavakashela umphakathi wase-Eldorado Park, eyokhuza indaba yobugebengu nezidakamizwa.
Ukuhambela kukamengameli kweza ngemuva kokuthi omunye wabahlali uDereleen James, abhalela umengameli incwadi, ekhala ngokudlanga kokusetshenziswa kwesidakamizwa i-crystal meth.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.