Solani uhulumeni wenu hhayi abokufika: UMalema

Durban - UMholi weqembu lezepolitiki i-EFF, uJulius Malema, ukholelwa ekutheni izakhamuzi zakuleli kufanele zikhiphele isibhongo sazo kuhulumeni hhayi ebantwini bokufika.

UMalema ubekhuluma nabalandeli abayizinkulungwane ngesikhathi kuqhubeka irali ye-EFF Freedom Day eNanda eduze naseThekwini ngoMsombuluko.

Ekhuluma ngokuhlaselwa kwabokufika okusanada kwenzeka kuleli uMalema utshele labo abebhambele le rali ukuba kufanele intukuthelo yabo bayibhekise kubantu ababavotela, kubika iSowetan Live.

OLUNYE UDABA: Ubevutha bhe uMalema kwaLanga

"Musani ukusola abafowethu nodadebethu base-Afrka. Anisebenzi, nihlala emijondolo...solani uhulumeni wenu. Anizange nivotele abokufika. Khiphelani isibhongo senu kubantu enabavotela," kusho uMalema.

Khonamanjalo uMengameli uJacob Zuma utshele abebehambele irali yeFreedom Day e-Union Buildings ePitoli ukuthi isizathu sokugcwala kwabokufika kuleli kufanele siphenywe, waphinde wathi abaholi kufanele badlale indima yabo.

  - “Like” ikhasi lethu kuFacebook ukuze uthole izindaba ngolimi lwakho                                

  - Landela IzindabaNews24 kuTwitter