Johannesburg – Izinyunyana ezishiya umbimbi olungunxantathu zizohlakazeka, kusho unobhala jikelele weSACP uBlade Nzimande ngoLwesine.
"Kungani sifike sakhe i-African National Congress... ngemuva kwalokho bese siyayishiya?” ubuze kanje engqungqutheleni yeDemocratic Nurses' Organisation of SA (Denosa) eBoksburg, e-East Rand.
"Kodwa ke izinyunyana ezifuna ukushiya umbimbi zizohlakazeka,” usho kanje.
UNzimande uthe isigaba sesibili sokwenziwa kwezinguquko eNingizimu
Afrika – izinguquko kwezomnotho – ngeke senzeke uma umbimbi lungaqinile noma
iCosatu intengantenga.
Funda nalolu daba: Alaziwa namanje ikusasa lezikhulu zeNPA - Masutha.
Kukhona ukukwebhana ngaphakathi kuCosatu okwaqala ngesikhathi kumiswa unobhala jikelele uZwelinzima Vavi ngonyaka odlule.
INational Union of Metalworkers of SA (Numsa), okuyinyunyana eyeseka uVavi futhi edlelana neCosatu, yathatha isinqumo sokungayiseki i-ANC okhethweni lukazwelonke.INumsa isola i-ANC neSA Community Party ngokudala uqhekeko kuCosatu. – "Like"
ikhasi lethu ku-Facebook uze ukwazi ukujoyina inkulumo ngolimi lwakho.