Pretoria - UClive Derby-Lewis uxolise ngephimbo likammeli wakhe kumfelokazi uLimpho Hani, owayeshade nomholi we-SA Communist Party (SACP) uChris Hani.
Ukusho lokhu efaka isicelo sikashwele wezempilo eNkantolo eNkulu yasePitoli.
'Ngithanda ukuphinde ngixolise kuyena,” kusho ummeli wakhe uRoelof Du Plessis, ebheke umkaHani obehlezi ebhentshini eliphambili enkantolo.
OLUNYE UDABA:UmkaClive Derby-Lewis uxwayise umfelokazi kaHani
UDu Plessis uthe uDerby-Lewis umeme uLimpho ukuba azomvakashela e-Eugene Marais Hospital ''ukuze axolise ubuso nobuso”.
UDerby-Lewis, 79, wangeniswa esibhedlela ukuyolashelwa umdlavuza wamaphaphu kanti ufuna ukudedelwa ngoshwele wezempilo ukuze ayoshonela kwakhe.
Usechithe iminyaka engu-21 ejele ngendima ayidlala ekubulaweni kukaHani.