UKasrils ufuna uMaphatsoe axolise kuye

Johannesburg – Lowo owayenguNgqongqoshe wezobuNhloli uRonnie Kasrils usenxenxe ukuthi kuvele ubufakazi noma isixoliso ngenkulumo kaSihlalo woMkhonto weSizwe (MK) Military Veterans' Association uKebby Maphatsoe yokuthi nguye owakhela uMengameli Jacob Zuma uzungu ngecala lokudlwengula.

"NgoMeyi wonyaka odlule, ngaphambi kokhetho lukazwelonke ngesikhathi ngiqhuba umkhankaso omelene ne-ANC, waba mdibi munye neqembu elibusayo bangibiza ngamagama aziswana kwathiwa mina ngaqoka owesifazane ukuba abhece ngobubende uZuma,” kusho uKasrils naye ongumakadebona we-MK.

OLUNYE UDABA: UMaphatsoe uphika eyokudutshulwa e-Uganda

Ngesikhathi kuqhubeka icala lokudlwengula elalibekwe uZuma ngo-2006 naphuma phambili kulo, uZuma wathi ukholelwa ukuthi ukubekwa kwakhe leli cala kunenhlense yezepolitiki.

Ukuphawula kukaMaphatsoe, okwabikwa ngakho ngo-Ephreli wonyaka ofile, kwakuzwakalisa ukumelana noKasril nalowo owayeyiSekela likaNgqongqoshe wezeMpilo uNozizwe Madlala-Routledge.

Laba babeqhuba umkhankaso wokuthi abantu bacekele phansi amavoti kunokuthi bavotele i-ANC.

UKasrils wathi ufuna uMaphatsoe aveze ubufakazi balezi zinsolo aziqubulayo.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter