UMadonsela uthi wesabela impilo yakhe

Johannesburg – UMvikeli woMphakathi uThuli Madonsela uthi ukhathazeke kakhulu ngokuphepha kwakhe kanti uzimisele ngokubabela kuNational Intelligence Agency (NIA) ngalolu daba, kubika iSunday Independent.

Ngokusho kwaleli phephandaba, uMadonsela uthe ukusabela impilo yakhe sekunyukile ngemuva kokuthi kukhona ombize “ngomgcogcomi kwezepolitiki” ezinkundleni zokuxhumana.

UMadonsela uthe usekubukwa “njengomuntu oyisitha seqembu elibusayo”, kusho lo mbiko.

Njengamanje, uMadonsela ugadwa ngamaphoyisa e-VIP Protection Unit, ngaphansi kombutho we-SAPS.

Lokhu kulandela ukunyuka kwemimoya nokujikijelana ngamazwi phakathi kukaMadonsela namalungu e-ANC ngemuva kokuputshuka kwencwadi uMadonsela ayeyibhalele uMengameli Jacob Zuma.

I-ANC isole uMadonsela ngokungawenzi ngendlela umsebenzi wakhe yathi uhlukumeza amandla anawo.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter