Johannesburg – Iqeqebana elizibiza ngabantu abavikela uMthethosisekelo we-EFF bafuna uJulius Malema ehle esikhundleni kuze kube uxazulula izinkinga anazi nabaqoqi bentela uSars.
"Sinxenxa ukuthi uJulius Malema ehle esikhundleni sakhe njengelungu lePhalamende nasekuholeni i-EFF kuze kube ulungisa izinkinga abhekene nazo,” kusho leli qeqebana esitatimendeni ngoMsombuluko.
OLUNYE UDABA: UMalema uqhubekile nokudelela uZuma
"Asifuni ukuya okhethweni luka-2016 silengelwa yifu elimnyama emakhanda. Asifuni ukumelwa ngumuntu oqubula imibuzo nongasibeka engcupheni yokukhala ngaphansi okhethweni.”
Okhulumela i-EFF uMbuyiseni Ndlozi uthe iqembu ngeke lixolise ngokweseka uMalema.
"Abantu bakshetha uMalema bemazi ukuthi ubhekene nalolu daba. Ngeke sinake abantu ababhema i-nyaopeabafuna ukugqama ngezinto ezingekho.”
Icala likaMalema libuyela enkantolo ngomhlaka-1 Juni.