Ngokombiko wephephandaba iCity Press uMalema uthe i-DA yiyo elandela i-EFF.
“Singongqondongqondo bamaqhinga, asilandeli i-DA kepha yiyo elandela thina,” kusho uMalema.
“Yingakho nizwa umholi we-DA ePhalamende uMmusi Maimane engasakhulumi njengeMelikana. Usekhuluma njengeqabane ngoba konke ukufunda ku-EFF.”
OLUNYE UDABA: I-EFF ibabele enkantolo
UMalema ubekhuluma nabalandeli bakhe ngaphandle kwenkantolo ekuhlehliswe kuyo icala lenkohlakalo abhekene nalo.
“Asisoze sasebenzisana nenhlangano ecwasa ngokwebala,” esho.
UMalema nokho uqhube ngokuthi: “Uma sikhuluma iqiniso i-DA iyaseseka, siyakudinga lokho ukuze silwisane nokungcola okuqhubeka ezweni."
- “Like” ikhasi lethu kuFacebook ukuze uthole izindaba ngolimi lwakho