UMalema wamukelwe ngenhlokomo eMarikana

Marikana – Wamukelwe ngenkulu inhlokomo umholi we-Economic Freedom Fighters uJulius Malema ngesikhathi efika eMarikana ukuzovulela uSekela Mengameli uCyril Ramaphosa icala esiteshini samaphoyisa.

Abalandeli be-EFF bebephume ngobuningi ukuzokwamukela umholi wabo njengoba njengoba beqale ukuhlangana kusukela ngehora lesishiyagalolunye ekuseni ngoLwesihlanu.

Kuqhume umkikizo namakhwela ngesikhathi lo mholi esefika nakuba efike sekudlule isikhathi esingangehora kunaleso abelindelwe ngaso.

OLUNYE UDABA: Ayikho i-fire pool eQunu - Umzukulu kaMandela

Ngesikhathi engena esiteshini samaphoyisa iqulu labantu elibalelwa ku-300 belimlinde ngaphandle esiteshini lidansa licula ngesizulu ingoma enezinhlamvu ezithi:

“Asikaze sicabange ukuthi uMengameli Zuma angasiphatha ngale ndlela”.

UMalema ubeze kulesi siteshi samaphoyisa ukuzovulela uRamaphosa, owayenguNgqongqoshe wamaPhoyisa uNathi Mthethwa, uKhomishana wamaphoyisa uRiah Phiyega, owayenguKhomishana wamaphoyisa eNorth West uZukiswa Mbombo nenkampani iLonmin amacala ngendima abayidlala esigamekweni sokudutshulwa kubulawe abavukuzi abangu-34 ngo-Agasti 2012.

I-EFF inombono wokuthi uRamaphoyisa wadlala indima enkulu ekubulaweni kwabavukuzi ngalolu suku.

      - “Like” ikhasi lethu kuFacebook ukuze uthole izindaba ngolimi lwakho

         - Landela IzindabaNews24 kuTwitter