Okhulumela iHhovisi limaMengameluli uMac Maharaj uthe isitatimende esikhishwe ngempelasonto mayelana nempilo kaMandela, asikashintshi.
Umbiko uthe uMandela uyaqhubeka nokwelashwa kanti futhi ibukeka imsiza imithi ayitholayo, njengoba sekuyisonto lesithathu angena esibhedlela ePitoli.
UMandela, 94, wayiswa ngendiza esibhedlela ePitoli esuka ekhaya lakhe eQunu, e-Eastern Cape ngoDisemba 8. Kwatholakala ukuthi kunokuthile emaphashini akhe.
UMandela unomlando wokuba nezinkinga emaphashini njengoba ake waba nesifo sofuba ngasekupheleni kweminyaka engu-27 ayichitha ejele.
NgoMgqibelo, uMengameli uJacob Zuma unxuse ukuba izwe limkhulekele uMandela ngemuva kokumvakashela esibhedlela.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter