Cape Town – Ikomidi lasePhalamende elibheke udaba lokuziphatha kwamalungu e-EFF ePhalamende selimemezele ukuthi uSomlomo uBaleka Mbete ngeke esaqhubeka nohlelo lokuwamisa emsebenzini.
“Sesithole ukuthi abameli bakasomlomo nabe-EFF sebevumelene ukuthi ngokuthi usomlomo ngeke esabamisa emsebenzini,” kusho uSihlalo waleli komidi uLemias Mashile.
UMbete obekulindeleke ukuthi aphume nesinqumo sokuthi kumiswe la malungu uma sekuhlala iPhalamende ngoLwesibili usesiguqulile isinqumo sakhe wasidluleisela ekomidini.
Kubikwa ukuthi encwadini ayibhalile uSomlomo unxuse leli komidi ukuba libuyele kuyena ngokushesha mayelana neziphakamiso zalo ngalolu daba.
Amalungu e-EFF abebhekene necala lokungaziphathi kahle ngesikhathi uMengameli Jacob Zuma ezophendula imibuzo ePhalamende.
La malunga adala uthuthuva ngesikhathi esola uMengameli ngokungawuphenduli umbuzo othi uzoyibuyisa nini imali eyasetshenziswa ukuthuthukisa umuzi wakhe oseNkandla.
- “Like” ikhasi lethu kuFacebook ukuze uthole izindaba ngolimi lwakho