Durban – UNgqongqoshe wezokuPhepha koMphakathi KwaZulu-Natal uWillies Mchunu uzwakalise ukudabuka ngemuva kwengozi ebulale izingane ezingu-6 ngesikhathi kugingqika iveni emgwaqeni u-Edendale, eMgungundlovu.
"Kuyishwa ukuthi siphinde silahlekelwe yizingane kwenye ingozi yeveni," kusho uMchunu esitatimendeni.
"Ngaphezu kokuba sigqugquzela ukuphepha emgwaqeni, sigcizelela ukuthi amaveni awasetshenziselwe okufanele hhayi ukuthutha abantu,"usho njalo.
Umnyango uthe kushone izingane ezingu-6 kwalimala kanzima ezingu-7 ezinye ezingu-9 zathola imihuzuko.
OLUNYE UDABA: Kushone izingane ezingu-6 engozini e-KZN
Yize kunjalo abezimo eziphuthumayo bona bakhiphe umbiko othi kushone izingane ezingu-7, kusho okhulumela abeNetcare 911 uChris Botha.
Okhulumela abe-ER24 uPieter Rossouw uthe iveni ishayise isango yase ingena emzini womuntu.
"Le ngozi ibulale izingane ezingu-7 ezibalelwa emnyakeni engaphansi kwengu-13 ubudala yalimaza ezingu-18," usho njalo.
- “Like” ikhasi lethu kuFacebook ukuze uthole izindaba ngolimi lwakho