USexwale udla yedwa uR2m ngenyanga - Unkosikazi

Johannesburg – Udaba lwesehlukaniso somshado phakathi kukaTokyo Sexwale nonkosikazi wakhe uJudy sibukeka sesiqala ukushuba njengoba laba bebanga indaba yempahla nezimali.

Ngokusho kweSunday Times, uJudy emaphepheni awafake enkantolo uthi umyeni wakhe wamphoqa ukuba aphume aphele emzini wabo oseGoli waphinde wavala nama-credit card akhe – nakuba yena eqhubeka kodwa nokusebenzisa imali engu-R2m ngenyanga.

USexwale uziphendulele wathi uJudy uyazikhohlisa uma ecabanga ukuthi ungusozigidigidi.

Funda nalolu daba: Ngiyamthanda uZille - Sexwale.

Kodwa, ngokusho kukankosikazi wakhe, ama-bank statements atholwe yithimba labameli bakhe akhombisa ukuthi uSexwale usebenzisa imali elinganiselwa ku-R2m ngenyanga – okuyimali elingana naleyo ayeyihola ngonyaka ngesikhathi esangungqongqoshe.

UJudy okwamanje ukhokhelwa uR50 000 ngenyanga okuyimali yokuthi azibheke kanye nenye imali engu-R55 000 eqhamuka kwesinye sezikhwama zikaSexwale ukuze akhokhele umuzi.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).