Kodwa lo wesifazane onezingane ezintathu ubaqathulula kalula ngaphandle kwalo oyedwa.
Yize esaliwe usamlandela uModise.
uModise oneminyaka engu-40 ubudala wasendaweni yaseKomatipoort eMpumalanga uthe lo Ben 10 oneminyaka engu-27 ubudala wacasuka ngalendlela emangalisayo waze waphihliza iwindi le moto yakhe.
"Lo mfanyana wayethandanda nomakhelwane wami owayemdala ngalendlela yokuthi angamzala. Bahlukana ngemuva kokuba uBen 10 emshayile wabe umakhelwano wami esemphuca konke ayemunike khona," kusho uModise.
Yilapho ke lo Ben 10 aphendukela kuModise.
Ukuzwana kwakhe nalo Ben 10 kwaqala ngesikhathi emthengela izimbali ngemuva kwesikhathi eside emphebeza.
"Ngamutshela ukuthi angithandani nabafana abancane.
"Amaphoyisa awazange alibheke icala lami kodwa acabanga ukuthi siyathandana nalo Ben 10. Awazange ambophe," usho kanje
"UModise usabela impilo yakhe. Lo Ben 10 okuthiwa ngu- 'Shoti', akafunanga ukukhuluma nabeDaily Sun.
Umngane kaBen 10 omazi ngelikaSipho uthe:"UModise ubengomunye woSugar mama bakhe, bahlukane ngesento eledlule ngemuva kwengxabano
uBrigadier Selvy Mohlala uthe amaphoyisa kwakufanele amphose ngemibuzo umsolwa njengoba sekuvulwe icala lokulimaza impahla.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
- Thola ezinye izindaba zeDaily Sun kumakhalekhukhwini wakho
- Thola izindaba zeDaily Sun kuFacebook