Johannesburg - UMengameli wezwe uJacob Zuma, wedukise abantu baseNingizimu Afrika ngesikhathi ekhuluma ngemali engu-R246 million, eyasebenza kulungiswa umuzi wakhe oseNkandla, kusho umholi weDemocratic Alliance, ePhalamende uMmusi Maimane.
"Ebusuku, ngeSonto, ngesikhathi ekhuluma ohlelweni lwakwa-SABC, uZuma udukise abantu ngesikhathi ethi akukho akwenza okuphambene nomthetho, esho ekhuluma ngemali engu-R246m, ekwalungiswa ngayo umuzi wakhe," kusho isitatimende sikaMaimane.
Ngokusho kukaMaimane, umengameli akazange awufunde umbiko woMvikeli woMphakathi, othi kunamaphutha enzeka kulungiswa umuzi waseNkandla.
I-DA izoqhubeka nokulandela udaba lophenyo ngezinsolo zenkohlakalo ekukholakala ukuthi yenziwa uZuma.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.