Johannesburg - Abasunguli bombutho woMkhonto weSizwe (MK), okuwumbutho wamasosha owawungaphansi kwe-African National Congress, bathole izindondo zokusebenzela uMkhonto benikwa nguMengameli uJacob Zuma ngoLwesine.
Lo bekuwumcimbi wokuqala walolu hlobo kusukela kwasungulwa uMnyango wamaSosha angamaqhawe akudala.
UZuma uthe amaqhawe akudala ahlonishiwe azidela, anikela ngokuningi ukuze isizukulwane sanamhlanje sithole inkululeko.
"Baningi abangasekho kulo mbutho, kodwa bayaqhubeka nokuwusebenzela nokulwela impumelelo yezwe."
UZuma uthe maningi amaqhawe angakaqhakanjiswa, ngezindlela ezahlukene, uthe ukuzinikela okwenziwa abesilisa nabesifazane akumele isizwe sikukhohlwe.
"Abantu bafa,” kusho uZuma.
Umengameli uthe kuhle ukubona amaqhawe amaningi ehambele lo mcimbi, uthe amanye acishe akhohlakala ngesikhathi izwe lithokozela inkululeko ayilwela.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
