Johannesburg – UMengameli Jacob Zuma umise uhambo lwakhe olwase-Indonesia ukuze abhekane nesimo sokuhlaselwa kwabokufika eNingizimu Afrika.
UMengameli Zuma bekulindeleke ukuba alifulathele elakuleli ngoMgqibelo emhlaka 18 ku-Ephreli 2015 lapho ebezobe ehambele ingqungquthela ye-Africa-Asia Summit.
Ngokusho kwesitatimende esikhishwe yihhovisi likaMengameli uSekela Mengameli uCyril Ramaphosa nguyena osezomela uMengameli kule ngqungquthela yase-Indonesia.
OLUNYE UDABA:Seluqale phansi udlame eJeppestown
“UMengameli uzohola uhlelo lwezimbizo ezindaweni ezahlukene ngesonto elizayo ngaphambi kosuku lweNkululeko kuleli umhlaka 27 ku-Ephreli.
Lezi zimbizo zizobe zigxile ekuqiniseni ubudlelwano phakathi kabantu baseNingizimu Afrika nokukhuthaza ukuthula. Kanti uzophinde alalele nezikhalo zemiphakathi,” kusho uMac Maharaj okhulumela uMengameli kulesi sitatimende.
Namhlanje ngoMgqibelo uMengameli uzohambela indawo yaseChatsworth ngaphandle kweTheku lapho kuzinze khona abokufika.
- “Like” ikhasi lethu kuFacebook ukuze uthole izindaba ngolimi lwakho