Ngokubika kwe-eNCA lesi sibhedlela sivulwe ngoLwesibili lapho umphakathi nezikhulu zikahulumeni beziphume ngobuningi.
Kuthiwa lesi bhedlela ngesikanokusho kwazise sinobuchwepheshe obusezingeni lomhlaba okuhlanganisa nomtholampilo wamehlo.
“Kuyintokozo enkulu kimina ukuvula ngokusemthethweni iDr. Harry Surtie Hospital,” kusho uMengameli Zuma evula lesi sibhedlela.
Kuthiwa sibalwa nezibhedlela ezimbalwa kuleli esinomshini we-X-ray osezingeni okwazi ukuhlola umzimba wonke.
Okunye ngalo mshini kuthiwa kuthatha imizuzwana engu-16 nje kuphela ukuhlola wonke umzimba.
Phambilini umphakathi wase-Upington ubuphoqeleka uhambe cishe amahora amahlanu uma ufuna ukuxilongwa oyisipesheli.
UZuma uthe kusezinhlelweni zikahulumeni ukunikezela ngosizo lwezempilo mahhala kubantu bakuleli.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter