Johannesburg - UMengameli wezwe uJacob Zuma uzothumela ithimba eliyisipesheli kwelakwa-Israyeli njengoba kulokhu kuqhubeka impi ebhekiswe kwabasePalestine.
Umbiko uvezwe nguNgqongqoshe woMnyango wezobuDlelwano namazwe angaPhandle, uMaite Nkoana-Mashabane.
"Ukusukuma kukamengameli kuyimizamo yokuletha ukuthula eMiddle East," kusho uNkoana-Mashabane, ngaphambi kwePhalamende.
"UZuma uzothumela ithimba elizoholwa ngowabe eyiPhini likaNgqogqoshe u-Aziz Pahad. Ithimba lizozwakalisa ukukhathazeka kwethu ngesimo esiqhubeka eGaza."
Kubhekeke ukuthi uZuma aphinde ameme uMengameli wasePalestine, uMahmoud Abbas, ukuthi ahambele kuleli kuzokhulunywa ngomsebenzi.
Ukusho kukaNkoana-Mashabane, kuvela nje uZuma usevele uwuthumele umlayezo oyalela abakwa-Israel ukuthi bahoxise ukuhlaselwa kwabasePalestine okuqhubeka eGaza.
Imibiko yabezindaba ithi impi isidlule nemiphefumulo ekungenani engu-600.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).