Bloemfontein – Umengameli uJacob Zuma ufuna ukuzigcina ziyimfihlo izingxoxo zakhe ne-NPA mayelana namakhasethi enkulumo eshoshiwe (spy tapes) ngoba iDA ingazisebenzisela ukumcekelaphansi, kusho abameli bakhe.
Emaphepheni abawafake eNkantolo eNkulu yokuDluliswa kwamaCala, uZuma uthi ukhathazekile ngoba iDemocratic Alliance iyona efuna ukusabalalisa le nkulumo.
UZuma uzama ukuba kuguqulwe isinqumo seNkantolo eNkulu yaseGauteng, eyayalela ukuba ibamba lenhloko yeNational Prosecuting Authority (NPA) uNomgcobo Jiba likhiphe amakhasethi anenkulumo eqoshiwe.
Icala lizolalelwa Enkantolo yokuDluliswa kwamaCala ngo-Agasti 15.
Amakhasethi, okubhalwe phansi kanye neminye imiqulu, kuyelana
nesinqumo esaholela ekutheni i-NPA ihoxise amacala kaZuma ngo-2009 ngaphambi
kokuba abenguMengameli wezwe.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.