Pretoria - UNobhala woMbuso eMelika uHillary Clinton uhlangane nezikhulu eziphezulu kuleli, ukudingida ngezinto eziningi ezihlanganisa negciwane lengculaza nesandulela salo kanjalo nalezo ezithinta amabhizinisi.
UClinton ubambe izingxoxo noNgqongqoshe woMnyango wezangaPhandle uMaite Nkoana-Mashabane, ePitoli ngoLwesibili.
INingizimu Afrika iyingxenye ye-UN Security Council kanti iMelika ithembele ekwesekweni yiyo emizamweni yokubuyisa uzinzo eSyria.
UClinton usohambweni lwezinsuku ezingu-11 e-Afrika, usehambele eSenegal, Uganda, South Sudan, Kenya naseMalawi.
Usazohambela eKapa bese edlula ebhekisa amabombo eNigeria, Ghana naseBenin.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
