24 Apr 2014

Ubenothando umama obulale izingane - Umbiko

London - Owesifazane waseNingizimu Afrika, oboshwe e-United Kingdom, ngecala lokubulala izingane zakhe ezintathu ezikhubazekile, usechazwe njengomama obezithanda ngokweqile izingane zakhe.

UTania Clarence, 42, uboshwe ngemuva kokutholakala kwezingane zakhe zishonile ekhaya kubo eNew Malden, eLondon.

Izingane yindodakazi yakhe eneminyaka emine ubudala kanye namadodana akhe amabili aneminyaka emithathu ubudala.

Laba ngoBen, Max no-Olivia, bebekhubazekile benesifo esaziwa nge-spinal muscular atrophy esidala ukuba bangabi nawo amandla.

Umakhelwane uJoy Devis, 86, utshele iphephandaba lase-UK, iMirror ukuthi uClarence nomyeni wakhe bebengabazali abazithanda ngokweqile izingane zabo.

Kodwa umngani wowesifazane waseNingizimu Afrika utshele i-Eyewitness News ukuthi ubehluleka ukubhekana nodaba lokugula kwezingane zakhe.

Umyeni kaClarence, uGary, ubeseNingizimu Afrika nenye indodakazi yabo, uTaya,8, ngesikhathi kubulawa izingane.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()