Durban - Owesilisa odutshulwe washona ngabantu abebehamba ngemoto ngasePort Shepstone, usehlonzwe njengesikhulu se-ANC kulesiya sifunda, kusho inhlangano.
UMlungisi Ngcobo ubeyilungu leLower South Coast Regional Executive Committee (REC).
Ngokusho kwesitatimende esikhishwe nguNobhala we-ANC esifundazweni uSihle Zikalala, uNgcobo "ubengomunye wezithenjwa zeqembu ebezisebenza kanzima".
OLUNYE UDABA: Kudutshulwe abagibeli kwesodlame lwamatekisi eGoli
“Silahlekelwe yiqhawe elanikela impilo yalo emzabalazweni. Sikhalisana kakhulu nabangani nezihlobo, sithi i-ANC ilahlekelwe ngelinye lamasosha entuthuko," esho.
UNgcobo udutshulwe ngentululwane yezinhlamvu ngoLwesithathu ebusuku, ehamba nengane yentombazane ekwazile ukujomba emotweni ibaleke.