Ucabanga ukuphindela kwelakubo udokotela ohlaselwe

Cape Town – Uthi usecabanga ukuphindela kwelakubo udokotela wase-UK osesebenze iminyaka emihlanu kuleli ohleselwe yiqulu lababhikishi eKhayelitsha, eKapa.

Ngokubika kwephephandaba i-Cape Argus uDkt Elizabeth Augustine uhlangabezane nalo mshophi ngesikhathi ephuma esibhedlela asebenzela kuso eMitchells Plain esegoduka.

Echaza ngokumehlele uthe iqulu lababhikishi lihlasele imoto yakhe bayijikijela ngamatshe waze walimala ebusweni.

“Namanje ngisathukile ngokungehlele sengicabanga nokubyela e-UK ngendlela engithuke ngayo.

Angikaze ngibhekane nesimo esifana nalesi empilweni yami,” kusho uDkt Augustine owafika kuleli nomyeni wakhe uFlorian. 

Echaza ukuthi ngesikhathi bekhetha ukulaxaza imisebenzi yabo e-UK beqoka ukuzosebenza kuleli imindeni nabangani babo babengahambisani nacho kwazise babeshiya impilo entofontofo.

Kodwa ngenxa yokuthanda ukusiza abaswele nokuthuthukisa umkhakha wezempilo abakugqizanga qala okwakushiwo beza eNingizimu Afrika ngo-2009 beza nezingane zabo uLuke noSita.

Uthi uyosixoxela amagwababa echobana isigameko esimehlele.   

   - “Like” ikhasi lethu kuFacebook ukuze uthole izindaba ngolimi lwakho

    - Landela IzindabaNews24 kuTwitter