Cape Town – Ugixabezwe udilikajele owesilisa waseGugulethu eKapa ngemuva kokulahlwa yicala lokubulala umlamu wakhe ngokusho kombiko.
ULungile Tshunungwa oneminyaka engu-51 ubudala ulahlwe yiNkantolo yesiFunda yaseWynberg ngecala alenza eminyakeni emihlanu eyedlule.
Kubikwa ukuthi uTshunungwa waba nengxabano nomkakhe uPumza ngomhlaka 29 kuJuly 2010 wamsabisa ngokumbulala.
Umkakhe wabaleka waya esiteshini samaphoyisa saseGugulethu, kusho okhulumela amaphoyisa aseManenberg uLieutenant Ian Bennet ngesitatimende.
OLUNYE UDABA: Libalahlile abebesolwa nokubulala umlimi e-KZN
“Ngenxa yokuthi akakwazanga ukuthola umkakhe, uTshunungwa walibangisa emzini kwamlamu wakhe uNomzane Ngcula eCathedtal Peak eHeideveld.
UTshunungwa wafika wangabuza lutho wavulela ngenhlamvu ebhekise kumlamu wakhe washona ujuqu.”
UNgcula washona ujuqu endaweni yesigameko uTshunungwa wabaleka ngemuva kwalesi sigameko.
Amaphoyisa akwazi ukugcina emubambile uTshunugwa ngemuva kwamasonto amabili.
Leli cala lithathe iminyaka emihlanu ukuqulwa njengoba egcine elahlwe yicala kanti kulindeleke ukuba achithe isigwebo sakhe ejele lasePollsmoor.
- “Like” ikhasi lethu kuFacebook ukuze uthole izindaba ngolimi lwakho