Scottburgh - Owesilisa usegwetshwe udilikajele yiNkantolo yesiFunda eScottburgh ngemuva kokulahlwa yicala lokuthumba, ukudlwengula nokubulala ingane yentombazane eneminyaka eyisikhombisa ubudala eMandawe, kusho amaphoyisa aKwaZulu-Natal.
USizwe Thando Dlamini, 22, ugwetshwe ngoMsombuluko iminyaka eyishumi ngokugqekeza nokuthumba, engu-15 yokubulala nodilikajele ngokudlwengula, kusho uColonel Jay Naicker.
Izigwebo uzozidonsa kanyekanye.
“Uphinde wahlonzwa njengomuntu ongafanelwe ukuphatha isibhamu bese kuthi igama lakhe lifakwe ohlwini lweNational Register for Sex Offenders (NRSO).”
UDlamini wathumba uNonhle Mellisa Gumede emzini kagogo wakhe ngo-Okthoba, umufi watholakala ngasemfuleni ngemuva kwezinsuku eziyisithupha anyamalala.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter