Johannesburg – Inyanga ithi amadlozi
ayo ayenza impumouthe ikuze ikwazi ukwelapha
abantu abanezinkinga ezahlukene.
Ngokubika kwe-Daily Sun uSeiletjie Mangena oneminyaka engu-33 ubudala
wayeneminyaka engu-5 ngesikhathi ephenduka impumputhe.
Kubikwa ukuthi le nyanga
edume ngelikaMoruti idume kakhulu ngokwelapha abesilisa abanezinduku
ezintekenteke.
“Ngibanikeza itiye eliyisipesheli elixutshwe nobisi,” echaza
enanela ngokuthi amakhasimende akhe amaningi ngabesilisa abanezinkinga kanti
babuya bebuyile ukuzofuna olunye usizo kuyena.
Ngokombiko ngaphandle kokuba
yinyanga uMoruti ubuye abe nguMprofethi kanti kuningi nokunye akwelaphayo
ngaphandle kwezinduku zabesilisa.
OLUNYE UDABA: Baphumela obala abagilwa ngabelaphi
Omunye wesifazane okhulume neDaily Sun
uSinhle Gumede uthe wayesphose ithawula ukuthi uyoke aphendi amthole umntwana
kodwa ngemuva kokuya kuMoruti izinto zashintsha.
“Kuyimanje nginezingane
ezimbili,” esho.
Ngaphambi kokuthi aqale ukwelapha abantu uMoruti uthi
wafikelwa yiphupho lokuthi kumele azile ukudla izinsuku athandaze izinsuku
ezimbili.
“Nabala ngenza njalo ngosuku lwesibili ngilele ngavuka ngizungezwe
amadwala.
Angazi kanjani kodwa ngaqala ngabona izinto ezahlukene ,” echaza
enanela ngokuthi kusukela lapho akabange esabhekana emuva njengoba abantu
batheleka bethelekile ukuzofuna usizo kuyena emzini wakhe oseNellmapius
eTshwane.
- “Like” ikhasi lethu kuFacebook ukuze uthole izindaba ngolimi lwakho